ಅಹ್ಮದಾಬಾದ್ : ಗುಜರಾತ್ನಲ್ಲಿ ಸಾವಿರಾರು ಬುಡಕಟ್ಟು ಜನಾಂಗದವರು ಪಾರ್-ತಾಪಿ ನರ್ಮದಾ ಯೋಜನೆಯ ವಿರುದ್ಧ ಬೃಹತ್ ಪ್ರತಿಭಟನೆ ನಡೆಸಿದ್ದಾರೆ. ಈ ಯೋಜನೆಯು ತಮ್ಮ ಮನೆಗಳು, ಸಂಸ್ಕೃತಿ ಮತ್ತು ಜೀವನೋಪಾಯವನ್ನು ನಾಶಪಡಿಸುತ್ತದೆಯಾದ್ದರಿಂದ, ಈ ಯೋಜನೆಯನ್ನು ಸಂಪೂರ್ಣವಾಗಿ ರದ್ದುಗೊಳಿಸಬೇಕೆಂದು ಅವರು ಒತ್ತಾಯಿಸಿದ್ದಾರೆ.
ಮೂರು ಪ್ರಮುಖ ನದಿಗಳನ್ನು ಒಂಬತ್ತು ಅಣೆಕಟ್ಟುಗಳ ನಿರ್ಮಾಣದೊಂದಿಗೆ ಸಂಪರ್ಕಿಸುವ ಪಾರ್-ತಾಪಿ ನರ್ಮದಾ ಲಿಂಕ್ ಯೋಜನೆಗೆ ದಕ್ಷಿಣ ಗುಜರಾತ್ನಲ್ಲಿ ವಿರೋಧವಿದೆ. ಆದ್ದರಿಂದ, ಗುರುವಾರ ವಲ್ಸಾದ್ ಜಿಲ್ಲೆಯ ಸಾವಿರಾರು ಬುಡಕಟ್ಟು ಜನರು ದೊಡ್ಡ ಪ್ರಮಾಣದಲ್ಲಿ ಪ್ರತಿಭಟನೆ ನಡೆಸಿದರು. ಡ್ಯಾಮ್ ಹಟಾವೋ ಸಮಿತಿಯ ಬ್ಯಾನರ್ ಅಡಿಯಲ್ಲಿ ಒಗ್ಗೂಡಿ, ಸಾವಿರಾರು ಬುಡಕಟ್ಟು ಜನರು ಲಾರಿಗಳು ಮತ್ತು ಟ್ರ್ಯಾಕ್ಟರ್ಗಳಲ್ಲಿ ಧರ್ಮಪುರಕ್ಕೆ ಆಗಮಿಸಿದರು.
ಈ ಪಾರ್-ತಾಪಿ ನರ್ಮದಾ ಯೋಜನೆಯ ವಿರುದ್ಧ ಘೋಷಣೆಗಳನ್ನು ಕೂಗಿದರು. ಈ ಪ್ರೊಜೆಕ್ಟ್ ತಮ್ಮ ಮನೆಗಳು, ಸಂಸ್ಕೃತಿ ಮತ್ತು ಜೀವನೋಪಾಯವನ್ನು ನಾಶಪಡಿಸುತ್ತದೆ ಎಂದು ಅವರು ಕಳವಳ ವ್ಯಕ್ತಪಡಿಸಿದರು. ತಮಗೆ ಪರಿಹಾರ ಬೇಡ, ಪ್ರೊಜೆಕ್ಟ್ ಅನ್ನು ಸಂಪೂರ್ಣವಾಗಿ ರದ್ದುಗೊಳಿಸಬೇಕೆಂದು ಅವರು ಒತ್ತಾಯಿಸಿದರು.
ಮತ್ತೊಂದೆಡೆ, ವನ್ಸ್ಡಾ ಶಾಸಕ ಅನಂತ್ ಪಟೇಲ್ ಮತ್ತು ಕಾಂಗ್ರೆಸ್ ನಾಯಕ ಅಮಿತ್ ಚಾವ್ಡಾ ಸೇರಿದಂತೆ ಸ್ಥಳೀಯ ನಾಯಕರು ಬುಡಕಟ್ಟು ಜನರ ಪ್ರತಿಭಟನೆಗೆ ಬೆಂಬಲ ವ್ಯಕ್ತಪಡಿಸಿದರು. ಆದರೆ, ಯಾವುದೇ ಉದ್ವಿಗ್ನತೆಯನ್ನು ತಡೆಗಟ್ಟಲು ಪೊಲೀಸರು ಭಾರೀ ಭದ್ರತಾ ವ್ಯವಸ್ಥೆಗಳನ್ನು ಮಾಡಿದರು.
Leave a reply